Backup template blog

Template ba siti-siti blog disema ka baka tulang belakang blog, laban template meh nyimpan semua data (maklumat) ti besangkut paut enggau chura blog kitai, fungsi blog enggau maioh agi trick ke siti-siti blog ba template (edit Html)

Nuan ulih nepu background, ngubah colour, nepu fungsi "read more" tauka nama-nama aja ba template. Nya kebuah siku-siku blogger enda tau enda ngaga backup dulu template blog sebedau ngubah tauka nukar template baru. Tuju ia backup template , nyema ti kod ke ditepu ba dia enda nyadi, iya udah bisi backup.

Ba baruh cara-cara backup template:

1) Login baka selama, udah nya ba dashboard klik "Layout". Ti nuan ngena baru klik "Design".

2) Ba Layout/Design, klik "Edit HTML" lalu ba baruh nya peda/giga 'Download Full Template'.

3) Keluar pemandang tu, Klik 'Save'. Tembu :-)

*Nuan ulih rename Template ti udah di download enggau aribulan nuan download. Baka 29julai2009.xml. tu kena ngenyenangka nuan nemua kemaia nuan ngaga backup ba template blog nuan.

Selamat ngaga blog!

Setting asas ti mesti ditemu Blogger

Ba siti-siti blog, setting entara pekara ti beguna kena nentuka pemandang(paparan)/entri/post, Sereta pekara bukai ti besangkut paut enggau blog.

Entara pekara ti bisi sangkut paut enggau setting ianya baka tajuk blog, berapa iti entri, sapa ti ulih meri komen/saut, enggau kebukai agi deka diterang ba baruh tu.

Pemandang setting agi siti-siti blog baka ba baruh tu.

Ba entri kali tu kitai meda 3 iti pekara ti utama ba setting ianya Basic, Publishing, Formatting, ba siti-siti blog.

Basic:

Title : Title/tajuk deka ditunjukka ba begian atas browser enti siti-siti blog dibuka.

Description : Utai ti bisi sangkut paut enggau siti-siti blog. Semina ulih nerima 500 iti urup. Chunto: Tuturial Blog Dalam Jaku Iban. Enti blog nuan nya blog peribadi, nepu aja baka , pejalai pengidup aku, cherita kami. enggau kebukai ti asai bisi kaitan enggau blog nuan.

Formatting:

Show : Berapa iti entri ti deka dibantaika ba pemandang mua blog nuan. Anang mantaika kelalu mayuh, 5 ngagai 10 iti kena ngenyampat seluruh blog nuan loading.

Date header format : Enda entu penting, ulih mega milih ni ti dikedeka.

Archive index date format : Format ti ditunjukka ba siti-siti blog dalam kandang sebulan.

Timestamp format : Enda entu penting, ulih milih ni ti dikedeka.

Time zone : Penting kena nemu maia ti betu. Enti nuan ba Malaysia, pilih (GMT +8.00) Kuala Lumpur. Enti nuan ba luar ari Malaysia, pilih ni ti bisi sangkut paut enggau endur nuan.

Language : English (Enti deka ngena Jaku Melayu/Malay tau mega. Tang dalam jaku Iban nadai agi)

Comments

Comments : Show - Enti temuai bisi meri komen/saut, komen/saut deka dibantaika ba baruh entri.

Who can comments : Begian tu nitihka kedeka urang ti bempu blog. Enti "Anyone", sapa-sapa aja ulih meri komen. Enti milih "Register user", semina urang ti bisi blog/id bukai ulih meri komen.

Comment form placement : Begian ruang komen ba siti-siti entri. Suah agi blogger deka milih pop-up window tauka embedded below post. Taja pia, enda semua template ulih ngena embeded below post.

Comment moderation : Begantung enggau urang ti empu blog, Enti deka komen ari bala temuai dibantaika terus, pilih "Never". Tang, enti deka komen bala temuai nya ditapis dulu ulih urang ti empu blog, pilih "Always".

Show word verification for comment : Pilih (No). Laban enti bisi 'word verification', suah agi nyusahka bala temuai. Kelimpah ari kes-kes ti kelalu maioh spam (Ba Malaysia pekara tu jarang nyadi).

*Setting ba siti-siti blog ulih di ubah urang ti ngempu blog bila-bila masa aja, nitihka peneka iya. Taja pia, beguna amai kitai ngekal ke setting blog kitai, ngambi ngenyenangka kitai empu enggau bala temuai blog kitai.

Selamat ngaga blog!

Bakani nepu Kod HTML/ Javascript

.Maia nuan udah masuk ngagai dunya blogging, entara pekara ti enda ulih diseliahka iya nya ngias blog nuan empu. Maioh cara kena ngias blog ianya nukar template, nepu widget ti udah disediaka blogger.com tauka ari sumber bukai ti bisi kaitan enggau kod HTML/Javascript. Kelimpah ari dikena ngias blog, kod HTML/Javascript bisi guna enggau tuju kod nya digaga.

Tutorial ba baruh madahka bakani jalai deka nepu kod HTML/Javascript ba siti-siti blog.

1) Login ngagai blog nuan baka biasa. Udah nya ari "Dashboard", klik "Layout" Update: enti template ke baru, klik ba DESIGN

2) Sepengudah nuan klik "Layout", lambar begian "page element" keluar. Ba begian "Page element" nuan nya, klik ba "Add a gadget"

3) udah nya peda ba senarai ke bisi ba dia, ngiga "HTML/Javascript", udah temu, klik ba tanda "+".

4) Siti pemandang ti kosong deka dibuka, udah nya paste code ti deka ditepu ba blog nuan ba ruang kosong nya. Udah nya klik "Save".

5) Tembu. nuan ulih meda asil nuan tadi klik ba Preview. Nuan mega ulih ngubah alai endur kod nya enggau Drag(tarik) aja ba dini-dini ba endur page element nya. Ti dah puas ati, klik 'save'.

Selamat ngaga blog!